smileet's profileسمايليت = pinkhanaPhotosBlogListsMore  |  Tools Help |
|
||||||||||||||||||
|
سمايليت = pinkhanaيا هلا فيكم في عالم ليدي ليدي
September 24 كل عام وانتم إنسي والسعود ,عيد الفطر السعيد2009 بسم الله الرحمن الرحيم
 دعاء
اللهم يا رحمن يا رحيم يا غفور يا معطي يا منجي صاحب الحوت يا رزاق يا كريم يا عطوف يا رؤوف يا جبار يا متكبر
ان ترحم جميع موتى المسلمين برحمتك يا ارحم الراحمين
اللهم اكثر افراحنا وباعد احزاننا والهمنا الصبر يا ارحم الراحمين
 كل عام وأنتم بخير
يا هلا فيكم احبابي وزوار مدونتي العجيبه
 الله يسعدكم ويوفقكم الى ما يحبكم ويرضاه بهذه المناسبه السعيده اعايدكم واقول كل عام وانتم انسي والسعود
مقاضي العيد
ابد زي ما قلت لكم في المدونه السابقه مقضين للعيد بدري بحكم ملكة بنت خالتي بس قدر الله وما شاء فعل توفى عندنا شايب الله يرحمه وتاجلت الحفله ولا المفروض الحين نايمه علشان اصحصح للكرف
ولكن كل شئ من الله حياه الله  بدايتن بقولكم جلابيتي للعيد ضيقه
اللذي خلاني << تتسدح على الجمله السابقه اني افكر اسوي حميه وقررت وبديت فيها الحين لي ثالث يوم بس من التخفيف بعد الصيام ببتدي فيه لان فيه فطور وغداء وعشا ء المهم هلمو نرى المقاضي  وهنا اكسسوارات خاصه فيها
 طبعا شريت كذا جلابيه بس صورت الي لبستها ورضت كرشتي ياساتر
ولكن البسها بعد الرجيم باذن الله الحين مع اكسسوارات ثانيه  هاظ الحلق مناسب للجلابيه المشؤومه
      بلايز
اصلا شاريتهم للدوام بعد العيد باذن الله
 حاطه براسي اللون الاصفر
  لا احد يتخرع بلبس بدي
     عطوراتي
اذكرو الله
 شنط
كلهم من لوي فيتون
طحت ما سميت   الحين هذي سموها لي
 هدايا لابوي ولخوالي
هدية ابوي
 هدية خالي
 الكبك احجار كريمه والساعه مدري ايش ماركتها اخذتها ب200 وشوي
هدية خالي الثاني
 مسباح احجار كريمه ودهن عود اسمه سيوف من الشركه العربيه للعود
المكتبه
طبعا بم اني بدرس باذن الله بعد العيد شريت لي دفاتر كوريه علشان تنفتح نفسي للدراسه
 مقلمه
 مقالم للاقلام << ليه دعايه
 نسيت ما صورت الملفات معليش المره الجايه
الحين مع مجلاتي مجلة بنات وفله
 وكتب كبخ ونفخ << طاق براسي اتفنن
 حلا العيد " كيكة الكيت كات "
 بعدين ارفق لككم الطريقه
بطاقة العيد
 من هنا سويتش ومررو الماوس
وقفه
ابي اعرف للحين فيه بزارين بالنت
خلو البنات من هوايتهم التقليد الي مالهم شخصيه لكن توصل للشباب ما يصير قصم بالله وحده من المختلين عقلين سارقه نك نيم لشخص معاي بالمسن اوكي ومسميه نفسها نفسه بس بصيغة مؤنث وشكلها متفقه مع صديقها << قويه يسرق الاسم الموذكر وصاير فيلم هندي بالمنتدى خساره مو عندي الصوره ولكان انواع التشهير فيهم سخيف وسخيف ليه ما سمو نفسهم تسذا تحسون تناسق الله يشيفهم ابتلينا بالمراهقين والبزارين
مع العلم جاني النت وانا بسن 19 سنه وما سويت حركات نص بس الشكوى الله الصالح والطلح في هالنت اقدر ادعي وانا صايمه بس خوفي ترد لي الدعوه ولهالاشكال تنقلب فوقهم تريله ابرك اتمنى اني وفقت بمشاركتكم عيدي وسولفي القليله هالمره و بطاقة العيد لانكم تستحقون يا زوارين اللزيزين
وكل عام وانتم بخير
اختكم
Pinkhana = سمايليت
سمايليتا
يدلعوني الشينه انسه منشين مديرة البراحه
  September 13 أحلى رمضان 2009+ 3 كيلو زياده :) بسم الله الرحمن الرحيم
 دعاء
اللهم نحن في اواخر الشهر من شهرك المبارك ان تغفر لنا خطاينا وتثبتنا على دينك وترزقنا الجنه وترزقنا رضاك
اللهم اعد علينا رمضان ايام عديده و اعتقنا من نيرانك وارحم مواتنا وموتى المسلمين
اللهم اعنا الطلبه بخارج ديارهم على ذكرك وشكرك وحسن عبادتك
 مواقع
منتديات يكفي عتب
منتديات الحب الدافئ
رابطه معجبين لعبة ديفل ماي كراي
منتديات مكسات
وحصلت على هالوسام
منتديات انا
أخر الأخبار
 ابد ربشه برمضان كل خميس ليه اكيد الي معاي بالمسن يعرفون السبب
لكن بقول لكم يا زوار مدونتي احنا كل خميس برمضان نروح بيت جدي تجتمع خلاتي وانا ويا البنات ويطبخون افطار صائم طبعا ثوابه لخوات جدي رحمة الله الواسعه عليهم طبعا ما نجي من بيت جدي الربوع الا الساعه 2 تقريبن نتسحر ونصلي ونرجع بيت جدي
ونروح لفندق خالتي الي هو غرفتها المتواضعه انا وبنات خالتي الي يسبق السرير والي يسبق البطانيات من سبق لبق يعني وانواع العذاب اذا صحو خلاتي من النوم الظهر ادخل واطلع لين يهرب النوم وما عاد يجي الا الاسبوع الجاي تبتدي المعاناه في تقديم السفره حيثو ان بيت جدي مقابل بيتنا القديم
ومجلسنا هناككبير يعني نروح ونجي من مطبخ بيت جدي الى بيتنا الثاني نقدم السفره وبتاع كله درءن للتاخير
بس اصلي العصر افرش الصفره واجهز كل شئ وهذا انا بس ماخذه غفوه يعني يعني مهلكه طاقتي = صفر ولكن اذا ما اشتغلت ما يشتغلون باقي البنات ويخلص اليوم لين نروح بيتنا الساعه 2 ونرقد الى مالا نهايه
3كيلو زياده
رحت المستشفى يوم الاربعاء بتاريخ 19\9\1430هـ لاسباب خاصه جدن ودوريه
وبس اخلص شغلي لازم اوزن دخلت على دختوره وقالت ايش اخبارك يا سمايليت
قلت ابد احس نفسي دبه << ينقال لها ضعيفه قبل خخخخخخقالت كلنا برمضان نحس هيك
قلت لا انا على طول دبه طبعن خلصت علاجي وقلت لها ابي اوزن وقالت لي اذا حاسه نفسك سمنانه لا توزني قلت الا سمنانه وراح اوزن الي فيها فيها
وطبعا زدت 3 كيلو ونص تقريبا
بحياتي ما ركبت الميزان قالي نازله تهقون محتر مني ومع ذلك لا يأس مع الحياه بمشي وبخفف عيشه والله يجيب الخير
تصميم رمضان 2009
 من هنا بالسويتش ومررو الماوس
هديتي لكم ستايل مجاني رمضاني مسويته العام ولا نشرته الا السنه
للمعاينه على الرابط
للتحميل مقطع وجاهز
من هنا
طبعا اشكر بنت عمي الصوص الي سوت لي فواصل وتوقيع وصوره رمزيه لرمضان
هي قبلوها بالكليه فاله التوفيق يا رب والنجاح وعقبال ما نشوفك مدرسه ولا موظفه ولا اي شئ تحبينه
السوق
طبعا السنه متسوقين بدري وزحمه كله بسبب بنت خالتي العروس صمتي جروحي طبعا اول يوم برمضان رحناوشترينا خفايف بعدين بصورهم لكم في مدونة العيد
طبعا رحت للمكتبه تسان يقولي فيه اعداد ما جابتهم الشركه
<< ايه هين بالله متى قلتو لي ان الاعداد كامله المهم هذه صورة الاعداد   طبعا الي حاب يشوف تصويري يزور صفحتي الخاصه بالفيس بوك تلاقونها باحدى القوائم بالسبيس او من هنا
طبعا تحسون اني تعبانه <<
تبون الجد ايه قليلة نوم واصحى متاخر وارجع البيت متاخر بالله ابي اشوف عمري وانا بملكة بنت خالتي شكلي بنام بعدها نوم طويل شئ ثاني بعد الملكه مباشره بنسجل انا وبنات خالتي بمعهد انجليزي
فيعني كرف بكرف وانتظروني ببطاقة العيد ومشتريات العيد
ينعاد عليكم يا رب
 للي راسلوني اشكركم على مراسلتي وصدقوني انا يكفني بس زيارتكم للسبيس و اضافات ردود ودعواتكم لي للمنتديات
بس لي فتره كثيره عايفه نفسي المنتديات على حسب المزاج
احلى تحيه لاخوي وائل كفوري
اتمنى اني وفقت بتسليتكم واتمنى لكم التوفيق دنيا واخره
اختكم
pinkhana = سمايليت
سمايليتا
يدلعوني الشينه انسه منشين مديرةالبراحه
  August 04 صيف2009, بفضل من الله تحققت المشاريعبسم الله الرحمن الرحيم
 اللهم ارحم جميع موتى المسلمين ووفق المسلمين على طاعتك
اللهم اشكرك على نعمتك التي انعمتها علي
اللهم بارك لنا بشعبان وبلغنا رمضان
اللهم وفق المسلمين لما تحبه وترضاه
اللهم امين
 يا هلا فيكم والله ومرحبا .. اخباركم عساكم بخير .... مبروك لكل طالب وطالبه النجاح وعسى الله يوفق جميع الطلاب والطالبات خارج المملكه حتى الي يدرسون صيفي
المهم .. هالصيفيه بصراحه ببالغ اذا قلت مو مستانسه فيها الا شوي واطب من شباك غرفتي << ما طحت الا انبطحت
<< لا عادي مواصله والساعه الحين 8 الصباح المهم نتكلم بالمفيد .. ببداية العطله او خلوني قبل قبل االاختبارات بديت ولله الحمد بمشورع غرفة العرايس
بتبص لي كذه ليه هه هو انا ئلت حاقه ايوا اخترت الصوره من الانترنت وكان ودي اسوي قبل عربة سندريلا بس للحين مافيه نجار يعرف يسويها بس يالله اذا ما ضبطت الفكره سويت طاولة استقبال وشريت رفوف
من ساكو ... شفت كذا رفوف بالنت بس قولوا لي اذا فصلت كذا رف بتروح كل الفلوس كلها 5000 ريال راح منها تقريبن 2400 ريال على هذا الدولاب
 كنت ابيه بلون وردي فاتح نفس لون السبيس بس اصلا حتى الوان ما عنده بس بالفرصه الاخيره حصل لي هذا اللون وبعدين لونه
متناسق مع لون الغرفه مو مشكله اهم شئ بديت بالمشروع
هذا حلمي الطفولي زي ما كتبت ببلوقات قديمه ومستحيل استغنى عنه وانا صار عمري 25
صدقوني بعدين راح تنبهرون بالفكره وراح تنتشر الصور زي اسمي بالضبط << بعدين تقول لكمالسالفه
بلاي ستيشن 3
طبعا زي ماقلت لكم قبل هالجهاز ما كان ببالي ابدا لكن لجل عيون دانتي فقط والله اللعبه خلصتها ب3 اسابيع بس
انا صحيح احب اخلص اللعبه بس حبيت اطول من غير ما استعصب شئ ..اصلا بهذيك الفتره ما كان عندي نت بالاصح الفيش حق شاحني انكسر وتعرفون ابوي على راحته وقبل ما ابوي يشتري لي خلصت اللعبه لا قريت حل ولا شئ صحيح قريت كم فقره بس لكن للي صعب يعني واللعبه جد رائعه بصراحه واتمنى لو كان البطل الرئيسي دانتي مو نيرو حوم تسبدي تسنه كراش ولا قرد يتعلق باللمبات
ما علينا رحت انا وولد خالتي سويلم للوكاله لاني بصراحه ابيه منها ولانهم بيبعوني ياه بالسعر الاصلي مو ماخذين فايده كثيره شريته ب1650 طبعا الخمسين على قولة البياع فايده للمحل .. قلت له يا رجال بناخذ اثنين منك قال نفسه هو نفسه قال ولد خالتي الثاني اسكتي بس لا يرفع عليكم السعر المهم شريته وعطاني معه شريط زي وجهه طبعا كل سعر معه عروض انا معه شريط مجاني بس رحت انا وسويلم وبدلناه بمحل ثاني قريب انا شريت ديفل ماي كراي 3 بدلته بفرق 100 لان الشريط ب200 و شريط سويلم بدلته بكوره وشريت من المحل يد ثانيه علشان عوامل التعريه لا قدر الله
طبعا من فلوس عيد الاضحى الي فات 1000 ريال ومن فلوس الجمعيه للهسنه 1000 صارو الفين واذكرو الله وشوفو جهازي
 طبعا بجنبه لعبتي المفضله وهذي صوره لها لحالها
 طبعا بكم يوم شرو عيال خالتي الجهاز وراحو يشترون العاب دقت علي بنت خالتي " خناجر ورد " وقالت لي تبين شئ قلت ابي سونك
انا بصراحه كنت استهبل بس هي بجد شرته لي الله يعطيها العافيه وشكرن لخدماتكم بنت خالتي  خلص مشروعي الفرعي
المشاريع الاساسيه
طبعا تدرون للي متابعين مدونتي واخباري
اني بيوم بالايام بشتري كاميرا محترفين والحمدالله رحت انا والبنات بجرير وكلن راح لشغله رحت على طول لركن الكاميرات وشريت هذي الكاميرا  طبعا قبل كان سعرها 4000 وفوق لكن شريتها بسعر حلو ب3199 ومعها عدسه ايش طولها
وبصراحه كنت ابي كاميرا معينه بس ما حصلت الموديل الي ابيه فقالي المسؤول فيه نوع ثاني وشريت الي بالصوره والحمدالله ومن ضمن المشاريع الاساسيه كاميرا فديو كنت ابي بعد نفس الي بمجلة جرير وقالي فيه افضل منها ومن نفس شركة كانون
 شريتها بسعر حلو 1349 وبكذا مشاريعي الاساسيه خلصتها هالسنه ولله الحمد
اشكرك يا رب على هذه النعمه ويا رب تعطيني خير هذه الاجهزه وتبعد عني شرها
مكتبة جرير
عاد يوم بقي الف ريال قلت بشتري القش الباقي الي مخططه عليه
 باليمين ماوس وردي عليه قلوب << تحب القلوب
وجنبه هارد ديسك سعته 500 جيجا بايت حق شغلي وقشي بالتصميم  طبعا مكافي خلص الي عندي ولازم اجدد قلت بغير هالمره هالبرنامج يمدحونه بنات خالتي وشريت لي واحد ل3 مستخدمين .. انا عن نفسي ما احب احمل من النت برنامج حمايه واحط له سريال نمبر والله ولا ابي احسد نفسي ان لي 3 سنوات ما فرمت جهازي لان العام شريت مكافي ل3 مستخدمين بعد والحمدالله كل شغله تمام .. صحيح اذا سوى تحديث يكرهني حياتي بس يالله العوض ولا الئطيعه
 الي باليمين مناديل خاصه لشاشة الاب توب او السيديات والله لو تشفون شاشتي تقلون ما تستعمله من مبطي بس ايش اسوي ما يطير عاد انا مخططه اشتريه وشريته
الي باليسار وصلة يو اس بي يعني اركبه باليو اس بي الي بالاب توب وهي فيه منافذ يعني زيادة الخير خيرين تنفعني لان عندي فلاشين وهارد ديسك وكل الي عندي 3 منافذ هذه بتفيدني
الي منسدح
عباره عن مكنسه خاصه للاب توب اشفط فيها الغبار وفتافيت الاكل وتشتغل على بطاريات  طاوله للاب توب والله مخططه عليها من زمان .. لها عدة الوان انا اخترت اللون الوردي اكيد علشان اطقم بسبيسي
مو علشان ما عندي مكتب بس احتاجها وقت البرد ابي اندعس تحت الفراش وهذي فوق رجولي لا ينكسر ظهري ولا شئ بتاع كله
 سماعه من مايكروسوفت حاطه عيني عليها وشريتها تشتغل باليو اس بي كذا السماعات ولا بلاش
طال عمركم هذه متوافقه مع ويندوز لايف ماسنجر يعني تصلح للماسنجر كثير وانتم شايفين الازار الي بالسلك حقه
انا استخدمتها ممتازه جدن وصوت نقي يستاهل السعر
 وشي ما انساه ابد ابد سنطه سبورت بالوان الي ابيها
بصراحه اريح شئ السبورت تشيلونها على ظهركم ولا ينكسر المتن وخاصتن اني احيانا اطلع من البيت واروح بيت جدي مشي فما يتعبني حمله << راحت اللغه العربيه وبكذا خلصت مستلزمات الاب توب
كتب من جرير
شريت كتاب قريت عنه في جروب بو نواف وعجبتني المقططفات منه وقررت اشتريه
 طبعا من زمان ودي بكذا كتب ادبيه وخاصتن للجاحظ .. انا قريت عن كتاب الجاحظ البخلاء في مجلة سبيس تون للفتيات مع شرح القصه جدن رائع
 جنبه كتاب اجمل ما قيل بالحب والغزل << قايله لكم احب الادب بس ما احب اختبر فيه
والله لو جايبين زي هالكتب ندرسها احسمن من اظهار تشبيه مكاني وتشبيه علاني
الحين كتاب كليله ودمنه طبعن المؤلف ذا غلطت فيه باختبار الادب بالله ذا اسم
 الي جنبه كتاب الاذكياء بصراحه شدني الكتاب انا ما اعرف عنه شئ بس احسه نفس قصص فله الي بالمجله قصص الاذكيا اتوقع هيكي
 كتاب الف ليله وليله 4 مجلدات الفله حبتين
  هذا الكتاب اكيد احسن الكتب وتبون الجد ترى يوم كنت ادرس مافيه مدرسات تحس انهم يشرحون عدل غير مدرسة الابتدائي ووحده بالثانوي ام المتوسط زين الي ما افقع وجهها بزنوبه الله ياخذ ذاك الوجه
طبعا فيه كذا كتاب ما حصلتهم ان شاء الله سنه الجايه وقبل لا اطلع من الكتب سالت المسؤول عن هذا الكتاب وحصلته
 قبل كذا تكلمت عنها وقلت انها ذكريات طفوليه كان ابوي يقصها لي والحمدالله لقيتها
كذا خلصنا من جرير والقش والمشاريع الحمدالله
اخر الاخبار
 تراها موب انا هذه وحده من بزارين النت الله يقطعها هي واشكلها من هالعالم ولا من القراده المنتدى الي فيه خطر على الجهاز خوش سمعه بس
بزر ما تعرف تتصرف بالجهاز بيفقع فيها خخخخخ الحمدالله والله انا سعيده جدن لاني حققت امنياتي وبس بقي اكمل غرفة العرايس وبعدها انام وانا مرتاحه
على طاري النوم ومي خرب ولا ظنيت انه بيتعدل
تهقون حبيبه بالنسبه لعالم التصميم ما لمست شئ ولا حتى ترجمت ما غير تصميم لرمضان بتشوفنه بمدونه خاصه لرمضان يا رب انك تبلغنا رمضان يا رب وبس حتى فواصل وتوقيع ما سويت لي
شئ ثاني منضمه الى عشاق لعبة ديفل ماي كراي بمنتديات مكسات بقسم نوادي المعجبين
حاليا ماراح اضيف روابط لان مافيني حيل ان شاء الله المره الجايه باضيف حاجات حلوه سواء للتصميم او بشكل عام للسبيس
الاصدقاء الي ارسلو
 اشكركم لانضمامكم الى شبكتي الخاصه وشاكره والله زيارتكم الحلوه
شئ اخر الشباب الي يحسبون الدنيا لعبه يرسلون رسايل غزل وقلة حيا ترى ما احد حولكم على طول دلييت
وعلى الطاري اي شخص اشوف صورته وسخه سوا بنت ولا ولد راح اقلعه لاني ما ابي اخذ اثام احد ولا ابي هالاشكال تضيفيني
To every non-Arabic-speaking, I thank you for your visit to my love
وتأكدو يا بزارين اي غلط اشوفه راح افضحكم فيه ولا تحسبوني غافله عنكم بس ما تنعطون وجه علشان كذا بتصيرون مشهورين من وراي
ترى اراقبكم اتمنى اني امتعتكم وافدتكم انا كذا وقت ما اتسوق ارز بسطتي واحب الكل يشوفها مو القصد تقليد او اي شئ
شئ ثاني والله اكتب لكم وانا مواصله بتجي 10 الصباح ولا نمت
لذا تصبحون على خير بتوقيتي
ولنا لقاء باذن الله في ليلة رمضان بلغنا انا وياكم تلك الليله
اختكم
pinkhana =سمايليت
سمايليتا
يدلعوني الشينه انسه منشين مديرة البراحه
في امان الله
 May 12 تجي تجي بتروح بتضل مسموح المفروض بتبقى بقلبي مثلك مثل الروح بسم الله الرحمن الرحيم
 دعاء
اللهم ارحم خالتي وعمتي واخي زمن قاسي برحمتك هم وجميع موتى المسلمين واجعل قبورهم روض من رياض الجنه
اللهم وفق جميع الطلاب والطالبات بجميع المجالات خارج وداخل المملكه
 سوالف وتعليقات
ياهلا فيكم ومرحب .. تعرفون لازم كل مره اروح السوق اصور الي شريته وعلشان كذا تشفوني قطوعيه بالنسبه للسبيس لاني تعودت ما احط بلوق الا اذا رحت السوق
المهم عندنا اشياء اهم الي هي سوالفي
كان اروح المستشفى لغرضن خاص
مو شغلكم يعني المهم ديمن لاي سبب اروح المستشفى لازم اخذ وزني يعني اشيك عليه فامي الله يطول لي بعمرها هي وجميع من يقرى تقولي " استحي على وجهتس ولا تاخذين وزنتس " يعنني مسويه تحطمني لا يا ميمتي العزيزه انا والميزان على علاقه قديمه فكل من شافني قالي يا الشينه انتي ضاعفتن تراتس قلت ايه هموم الرخصه وما الى ذلك والدختوره نفسها تقولي انتي نحفانه ما عليك من الماما لانها بتشوفك كل يوم فما بتحس بالفرق بالنسبه لالي عادي يعني نزل ولا نقص ماراح يغير من المود تبعي والي هو اغاني " طيور الجنه " فطلع وزني مميز ترى يعني عادي لا تشغلون بالكمعلى طاري طيور الجنه والله اناشيدهم موصاحيه البزران حفله يسون قدام عيني بس احلى ش فيها انها تهجدهم بس فيه واحده كل من شفتها ودي افقع وجهها صدز البزارين ما ينعطون وجه شلون لو خلوها تغني
الي هي الي تغني اسناني واوا شفوها كيف ترقص وتمثل ودي السبها بالعقال بالخيزارنه بالعسو اهم شئ تخفف حركات وايمائات درينا انتس صرتي فنانه ايوا ذاك الربوع من الروبعات الي راحت طق براسي العب اتاري وكمبيوتر العائله فكانو البنات يتطنزون يعني فقلت ما علي خاطري العب ماريو رغم انه مبكسل لكن تسليه وذكريات يعني
فرحت غرفتي القديمه ببيتنا القديم وطلعت كرتون كله اجهزتي القديمه الي قبل البلاي ستيشن 1 و2 فقررنا نلعب ماريو وتعالو شوفو المهم انا ما صوروني عدل وانا العب
لا تتخرعون اقصد اللعبه يعني التي في بنزلهم لكم بعد شوي الحين بسولف بوريكم صور الاجهزه  اول رفيق القلب وانتا خليصا والحين مقطع القلب تقطيع
<< اغنية راشد بس البقيه من تاليفي مدري صح المهم جبتها والحين بحط لكم التصوير الفديو طبعا هذا انا بس مو كل التصوير لانه انقطع مو جوالي جوال صمطي
المقطع الي تلعب فيه صمطي شكلي حذفته ولا كان بوريكم لانه لعبها ممتاز ما تطيح
المهم بستعرض لكم الاجهزه الباقيه
 هذا مميز تعرفون ليه لان فيه لعبة ماريو مراحل متقدمه
والي يميزه بعد لعبة ماريو الدكتور الي هي كبسولات  هذا جد ممتع وهو الجهاز الي قبل البلاي ستيشن شريته وطبعا انواع الخساير لانه حاله حال البي اس الحين له اشرطه
 ميكي و الجميله والوحش و باور رينجرس و علاء الدين و بوكهنتاس كلهم خلصتهم بقي سونك والعاب ثانيه بس لين اعدل الجهاز لانه عطيته بنت خالتي وجابته لي خراب
المهم كانت ايام جميله يعني بس على الطاري يوم كنت بالمتوسط كانو البنات يقلون لي انهم وصلو بماريو للاميره انا مستغربه ليومكم هذا ما وصلت الا للفطره ذيك الخبله
يلا طلع الحين Wii وطبعا شركة نتدو الراعي الحصري لماريو يا سلام سلم بس << خلتس بالبي اس2 لين يجيتس 3
في السوق
رحت انا وبنات خالتي صمطي وخواتها المهم انا اصلا رايحه ذا المحل حق العرايس حتى ناويه ما اروح لانه في مخططاتي اشتري عطور بالفين ريال
من عيد الفطر ما شريت فاخذت الالف قلت اتسوق معهم ورحت للجزمات اكرمكم الله شفت السبورت بغيت انحول
انا ما احب الا السبورت << لانتس دبه حبيبتي المهم لو ما امي طلعتنا من ذيك الزاويه كان ما بقي جزمه ما شريتها وهذا الي شريت  ونروح صوب الشنط واشتري هذه
 الحين جينا للسالفه المهمه المحل هذا مافيه الا اصانصير و سلم متحرك اثنينهم ما احبهم
يا ناس ان ركبت الاصانصير تجيني حاله هستريه احس بيخرب وبنعلق ولا تعلق عباتي وبتتمزع << قلت مو راكبه بجلس انتظركم تحت وتغصبني امي قام يصاوي لانا كثير  قلت انا بطلع ما اركبه ما احبه عاد طلع ولد خالتي قال يلا نركب ذا يعني الدرج وقالي اركبي وبس لا تتحركين لانه بيوصلتس لحاله << قرويه يا ناس ما احب ذولي وين الدرج يا ناس كان نوصل لجهة الاكسسورات واشتري هذا  والله لو بطاوعهم فلست لان ما معي الا الف ريال ايش بشتري وايش بخلي
المهم شفت لي حلق خفيف وناعم وعادي انا شفت سعره ب25 قلت لصمطي والله اروح بو رايلين اشتري لي درزن ب10 قال ايش قال 25 الماس ولا ادري المهم خلصت ونزلت لجهة العرايس لانه خلاص اذن المغرب
العرايس
رحت لهاذيك الجهه وجبت امي معاي قلت يمه ابيهم كلهم
واخذ لي ثلاث عرايس نفس الشي بس فساتينهم مختلفه الالوان  احب العرايس القطن Soft Doll يهبلون يذكروني بعرايس قبل قبل ما تجي فله وباربي وستروبري
واشتري هذولي المخدات كل وحده تقول الزود عندي وقريبا برجع اشتري زياده
 كل من خذت وحده تطلع وراها وحده بس يالله الميزانيه ما تكفي ولا كان شريت البقيه
تصدقون عاد كنت ابي كنغر بس ما حصلت
بس يالله قريب الاقي <<التصميم والجرافيكس و دروس اخرى
والله اخر شي سويته توقيع لي على دانتي من لعبة ديفل ماي كراي وصوره رمزيه والبنر الي تشفونه حق السبيس وسويت درس حق تعريف البي سي سيوت لجوال سوني اريكسون نوع K850 قريب اضيفه لكم وان شاء الله بس افضى اسوي بنر لمنع اصطحاب الاطفال لسبيسي
قال ايش قال دلوعه ومن هوايتي المغامرات الله ياخذكم بنتين ختاما اتمنى اني وفقت باسعادكم بسوالفي المتواضعه والخبلا
على قولة بعض الناس وما طحت الا انبطحت " استاذ ماكس لك وحشه والله " الله يوفقك يا رب
المهم شكرن لتعاونكم
اختكم pinkhana = سمايليت
سمايليتا
يدلعوني الشينه انسه منشين مديرة البراحه
  April 26 لك فيه برج عتيق ومجلس ارياسي والي ينعقد في اجتماعاته تريس لهبسم الله الرحمن الرحيم
 دعاء
اللهم ارحم خالتي ام محمد وارحم اخي زمن قاسي وارحم عمتي وارحم جميع موتى المسلمين وثبتهم عند السؤال واجعل قبورهم روض من رياض الجنه
هم وجميع موتى المسملين
اللهم انصر المسملين على اليهود اللهم ثبتهم على دينهم اللهم اعمي بصيرة الذين يخطئون على نبيك محمد صلى الله عليه وسلم واجعل دنياهم جحيما هم ومن اتبعهم
اللهم وفق جميع الطلاب والطالبات في جميع المجالات داخل وخارج المملكه واثلج صدورهم ويسر امرهم وسهل عليهم يا ارحم الرحمين
 مقدمة
يا هلا والله ومرحب .. اخباركم عساكم بخير .. ادري قطوعيه لكن هذا ثاني يوم من اسبوع الاجازه وزين افضى لانيابي احلل واعوض الي فات
حامت تسبدي 6 شهور وفق واحنا دراسه وبعارين يا انا اكلت بلح الشام لين فطست حياكم معاي بسوالفي ومشتراياتي ومشاريعي الي ما تخلص
مواقع
الي حاب يتواجد معاي بيلاقني وبيلاقي مواضيعي في
جروب بانوراما 2009
منتديات مجتمع فصول ملونه
ومنتديات صدى الإمارات
طبعا هذا المنتدى عزيز على قلبي ومستحيل اقاطعم
الي اعمارهم اقل من 20
بالله ترى غثتوني يا البزارين مو كل يوم الاحقكم واشوفكم ايش تسرقون ترى خلقه حايمتن تسبدي
يعني شوفو البزره بلوم صاحبة موقع احلام بنات تاخذ اسمي وتستخدمه بالمنتديات وتسوي دعوات
 اذا تبون تشفونه عدل من هنا
شوفي يا بلوم اذا بغيتي تسوين دعايه لموقعتس سويه بالمنتديات سوي اعلانات متبادله ادفعي فلوس وسوي اعلانات لا تسوين اعلانات عن طريق اسمي
بعدين من قالتس اني دلوعه انا كبر اختس الكبيره فلا تلعبين معاي ولا تدخلين السبيس رجاءن انتي وغيرتس وقبل كذا سويت لتس اعلان هنا على باله بنيه عاقله اثاريتس بزره من بزارين النت
وانتي يا اخت عفاف عوض يا عمري يا قليبي انتي ما لقيتي الا اسمي تسجلين فيه انا يوم بعمرتس ما عندي نت ولا يجي ببالي تصدقين ولا رايحتن تسجلين به في mbc3
 بالله اي مغامرات الي تغامرين فيها تصدين جراد ودعاسيق وضفادع ولا تحبين حصة التدبير
من الي شفتو فوق ممنوع منع بات دخلو المراهقين سبيسي من 18 واقل ما ابيهم هنا ترى حومتي تسبدي عساني ما ابي اسجل بمكان القايكم سابقيني وجع يوجعكم
بزارين اخر زمن وقريب بسوي بنر بحطه فوق برزه ما ابيكم تجون فيذا عمى
دراسه
يا ربيه ما بغيت اخلص وافرغ لسبيسي الجميل
ترى عانيت بصراحه على بالكم تهنيت صحيح وناسه مع استاذتي الحلوه الله يعطيتس العافيه يا رب ويا البنات الله يوفقهم باختباراتهم لكن مشوار وين الاختبار بقلعة وادرين تخيلو معاي ايش صار
برنامج الاكسس
ما رضت العلاقات تستوي اصلا اتحدى تستوي عند اي احد
برنامج الاكسل
مو راضي يطبق بحث واستبدال جاته حاله نفسيه
برنامج الوورد
عيا يندرج لي التاريخ في راس الصفحه ابوك ابوالي خلفوك نقصني درجات الله يجازي الاستاذه ساعدتني وبصراحه ما قصرت الله يوفقها
انا فيني انفصام شخصيه وتوحد الحين جاني اسهال من الخرعه
اكرمكم الله والله ماهي حاله باور بوينت
قالو نجيب 100 معصي عفست ام الشرايح بس نمشيها
انترنت واوتولوك
خلي الانتر نت على جنب لان البزارين الحين قامو يتصفحون ايش خلو حق بنات الرخصه
الاوتولوك الي ماله اصدار من عالم الف وحطبه يعني الله يخلف لو ما عندي البرنامج التدريبي كان رسبت بس الحمدالله جبت 85 والمفروض اعلى بس يالله قدر الله وما شاء فعل تدرون ايش صار لي خربت الفاره وجابو لي 3 فارات يالله الثالثه ثابته حتى من الخرعه اقول للاستاذه برسب تقول لا سهل الاختبار ماراح ترسبين
يا لبا قليبها ويندوز
وععععع فاشل جبت فيه 94 بالله بس مدري ليه نختبره سخافه ومضيعة وقت
اي تي
الاي تي هذا ازمه والله نمت الساعه 10 صحيت الساعه 2 الفجر ما قدرت اخاف ارسب
يقلون اخر ماده يرسبون فيها على قولى الاستاذه الي فيذاك ما حدش بيرسب في الاي تي جبت 97لا احد يفرح ترى اهم شئ الاجتياز مو الدرجات عاد من تعلمون تعلمون امي الي تسوي لي مقارنه مع البنات بس يالله نمشيها
هذا درجاتي
 الله يسعد ويوفق مدرستنا بالمعهد والله على شرحها ما لمست الكتاب المخنز ذاك وعيه بس نجمع خخخخخخ
الحمدالله الي اجتزتها وافتكيت
على طاري الدراسه قررت اكمل دراستي باستراليا جنب الكنغر
حتى شوفو اعلاناتهم
 بعدين تطور الاعلان نفس البوكيمون وصار تسذا
 يا ليتني اروح ادرس هناك
كيفي والله عاجبني الكنغر كله يناقز خخخخالله يوفق كل الطلاب والطالبات خارج المملكه بدراستهم ويرجعون يفرحون اهاليهم بالشهاده
اما انا خليني بمشاريعي احسن
مشاريعي
انا كله اتكلم عن مشاريعي ولا قلت لكم ايش هي
حبايب ئلبي انا عندي كومة مشاريع هي عبارة
كاميرا ديجتال ام 4000 وشوي للحين بس مجمعة 2000 من فلوس عيد الفطر
بلاي ستيشن 3 فيه كذا ملحق معه بس انا بشتري ابو 1729 وللحين مجمعة بس 1000
وبشتري كاميرا فديو بالف وكم ريال غير البلاوي مو باقي لي شئ من المصروف
يعني خليها على ركم
بزنس ومن لا تخافون عندي ادخارات تكفيني شهور ولله الحمد
السوق
طبعا لو ما اروح السوق استخف طبعا الي شريته بوريكم ياه هذا كان قبل الاختبارات يعني قديم حتى المجلات بس حبيت اوريكم ايش شريت اخر مره
نص الفلوس هدايا لبزارينا
احب افرحهم بس ما يعطوني وجه يهربون لاني اموتهم عض
خاصتن نوير وقمير رايحين فيها عض يستاهلون احسن المهم رحت المكتبه حق مجلاتي سبيس تون
سبيس تون الشباب
 سبيس تون للفتيات
 طبعا الهدايا جد رائعه خاصتن اخر عدد سي دي فيه شاشة توقف على كوكب زمرده ويكيفي الاغلفه موت
مجلات فله
 طبعا منقصيني عدد 28 لكن بطلعها من عيونهم قلت لهم يجيبونها لي باي طريقه
بصراحه استمتع وانا اقرى مجلة فله خاصتن قصص الاذكياء ويوميات عائله و مواقف نور اخت فله
وهنا مجلات منوعه
 ورحت مكتبه ثانيه ادور لي دفاتر كوريه اثاريهم خلصو ما يجون الا مره وحده
شريت لي ملفين سترو بري وواحد على البوكيمون
 من محل العرايس
 تهبل ريحتها فايحه فراوله
وخلصت تسوق
يوم ميلادي 11\4\2009
طبعا خرب علي الشاحن حق الاب توب بويم ميلادي تخيلو
الي حاب يشوف السوالف من موضوعي في صدى الامارات وهذه كيكتي تعرفون السالفه اذا قريتو الموضوع
 رياضه وخليجي 19
طبعا هارد لك لنا اهم شئ موجودين مو بكاس اسيا انطرنا من اول مباراه
السالفه بس حظ على قولة ناس يوم فازت السعوديه مجرد حظ اي حظ والي يسلمك مدري متى انتم طلعتو علشان تقولن حظ ولا ودي اكثر حتسي لانه خلقه حايمتن تسبدي وابي ارقد سويت هديه لجماهير الصقور الخضر
 كل الي شفتوه بالمعاينه مسويه له روابط مباشره تلصقونهم بالمنتدى حلال زلال عليكم
تصميم وجرافيكس
تصاميم طبعا صممت للاطفال قطوره كان قبل الاختبارات
وفيه كم تصميم للمنتخب ايام خليجي شيكو عليها بفليكر او بالفيس بوك تلاقونه بالقائمه فوق
لان ما ابي اكثر ويعلق السبيس
مراسلتكم
الاخت منى حياتس يا قلبي اسعدني تواصلتس وقريب ان شاء الله ارسل لك شئ يعجبتس
والي حاب يستفتسر او يراسلني عندكم قائمة راسلني
بالنسبه للبزارين رجاء لا يراسلوني لاني مو فاتحه حضانه
اتمنى اني غيرت عليكم جو شوي مع انه ما عرضت شئ لكن علشان ما يعلق السبيس هو بكبره يالله فتح فالي حاب يشوف التصاميم يروح للفيس بوك او فليكر لانه انا اعرضهم هناك واذا حابين تعلقو علقو براحتكم
اتمنى للجميع التوفيق والسعاده بالدارين
اختكم
pinkhana =سمايليت
سمايليتا
يدلعوني الشينه انسه منشين مديرة البراحه
 |
|
||||||||||||||||
|
|
